*എന്താണ് 498 എ @ ഭാര്യക്കെതിരെയുള്ള ക്രൂരത ?*
#498A_cruelty
കേരളീയര് സാമാന്യം നിയമസാക്ഷരത ഉള്ളവരാണ്. പോലീസ് എന്നോ കോടതി എന്നോ കേട്ടാല് അങ്ങനെ പേടിയൊന്നുമില്ല. അത്യാവശ്യം വകുപ്പുകളെ പറ്റിയുമൊക്കെ പലര്ക്കുമറിയാം. കുടുംബജീവിതത്തില് പ്രത്യേകിച്ച് വൈവാഹിക ജീവിതവുമായി ബന്ധപ്പെട്ട് ഇന്ന് പൊതുവേ ആളുകള്ക്ക് സുപരിചിതമായ വകുപ്പ് ആണ് ഐ പി സി 498 എ. ഇന്ത്യന് ശിക്ഷാ നിയമത്തില് ഉള്പ്പെടുത്തിയിരിക്കുന്ന ഈ വകുപ്പില് സ്ത്രീധനം ആവശ്യപ്പെട്ടോ കൂടുതല് പണം ആവശ്യപ്പെട്ടോ ഭാര്യയോട് ഭര്ത്താവോ ഭര്ത്താവിന്റെ വീട്ടുകാരോ ക്രൂരമായി പെരുമാറുന്നതാണ്ഈ കുറ്റം.
*കൂടുതല് ഉപയോഗിക്കുകയും ദുരുപയോഗിക്കുകയും ചെയ്യുന്ന നിയമം*
വിവാഹിതയായ സ്ത്രീക്ക് ഭര്ത്താവിന്റെ വീട്ടില് നിന്നോ, ഭര്ത്താവിന്റെ ബന്ധുക്കളില് നിന്നോ ക്രൂരമായ പെരുമാറ്റം അനുഭവപ്പെട്ടാല് ഈ വകുപ്പ് പ്രകാരം കേസെടുക്കാം. കുറ്റക്കാരാണെന്നു തെളിഞ്ഞാല് മൂന്നുവര്ഷംവരെ ശിക്ഷ ലഭിക്കും. ജാമ്യമില്ലാത്ത വകുപ്പു കൂടിയാണ് ഇത്. കേസിന് ബലം ഉണ്ടാക്കുന്നതിന് പലപ്പോഴും ഭര്ത്താവിന്റെ വീട്ടുകാരെ കൂടി പ്രതിപട്ടികയില് ചേര്ത്തു കൊണ്ടായിരിക്കും പരാതികള് തയ്യാറാക്കുന്നത്. പലപ്പോഴും ദുരുപയോഗം ചെയ്യപ്പെടുന്നു എന്ന പരാതി ഉണ്ടായതിനാല് ഇടക്കാലത്ത് ജാമ്യമില്ലാത്ത രീതിയിലുള്ള പോലീസ് അറസ്റ്റ് വേണ്ട എന്നു വരെ പല നിര്ദ്ദേശങ്ങളും ഉണ്ടായിരുന്നു. അതേസമയം ദുരുപയോഗം ചെയ്യപ്പെടുന്നു എന്ന പരാതികളുടെ പേരില് യഥാര്ത്ഥ പ്രതികളും രക്ഷപ്പെട്ടു പോകുന്ന സാഹചര്യം ഉണ്ടാവുന്നതിനാല് നിലവില് ഈ വകുപ്പിന്റെ ജാമ്യമില്ലാത്ത അവസ്ഥയില് മാറ്റമില്ല.
*എന്താണ് ക്രൂരത*
ഭാര്യയെ ആത്മഹത്യയിലേക്ക് തള്ളിവിടുന്ന കാര്യങ്ങളും, ഭാര്യയുടെ ശരീരത്തിനോ മനസ്സിനോ മുറിവോ അപകടമോ ഉണ്ടാക്കുന്നത് എന്തും ക്രൂരതയുടെ നിര്വചനത്തില് വരും. അതോടൊപ്പം തന്നെ ഭാര്യയില് നിന്നോ ഭാര്യയുമായി ബന്ധപ്പെട്ടവരില് നിന്നോ അന്യായമായി സ്വത്ത് ആവശ്യപ്പെടുകയോ, മറ്റെന്തെങ്കിലും വിലപിടിപ്പുള്ള വസ്തുക്കള് ആവശ്യപ്പെടുകയോ ചെയ്യുന്നതും, അത്തരം ആവശ്യം നിറവേറ്റാത്തതിന്റെ പേരില് ബുദ്ധിമുട്ടിക്കുന്നതും ക്രൂരതയുടെ പരിധിയില് വരും, അത്തരത്തില് പെരുമാറുന്നതും കുറ്റകരമാണ്.
*എവിടെ കേസ് നല്കും ?*
സാധാരണയായി ക്രിമിനല് കുറ്റം നടന്നാല് ഏത് പോലീസ് സ്റ്റേഷന് പരിധിയിലാണ് കുറ്റകൃത്യം നടന്നത് അവിടെയാണ് പരാതി നല്കേണ്ടത്. വിവാഹിതയായ സ്ത്രീക്ക് ഭര്ത്താവില്നിന്നോ ഭര്ത്താവിന്റെ വീട്ടുകാരില് നിന്നോ സ്ത്രീധനം കൂടുതല് ചോദിച്ചു കൊണ്ട് ശാരീരിക-മാനസിക ഉപദ്രവങ്ങള് ഉണ്ടായാല് നല്കാവുന്ന ക്രിമിനല് പരാതിയാണ് ഇന്ത്യന് ശിക്ഷാനിയമത്തിലെ 498 എ വകുപ്പ്. കുറ്റകൃത്യം നടന്ന ഭര്ത്താവിന്റെ വീടിന്റെ പ്രാദേശിക പരിധിയില് കേസ് നല്കണമെന്ന നിലവിലെ സാഹചര്യത്തില് മാറ്റം വന്നു. വ്യത്യസ്ത അഭിപ്രായത്തെ തുടര്ന്ന് കഴിഞ്ഞ ഏഴ് വര്ഷമായി സുപ്രീംകോടതിയില് നിലവിലിരുന്ന റഫറന്സ് കേസിലാണ് വിധി വന്നത്.ഉപദ്രവത്തിനു ശേഷം സ്ത്രീ അഭയംതേടി താമസമാക്കിയ സ്ഥലം ഏതാണൊ, ആ സ്ഥലത്തിന്റെ അധികാര പരിധിയിലും കേസ് നല്കാം. നിലവില് താമസിക്കുന്ന സ്ഥലത്ത് വച്ച് കുറ്റകൃത്യങ്ങള് ഒന്നും നടന്നിട്ടില്ല എന്നതിന്റെ പേരില് ആ പ്രദേശത്ത് കേസ് നല്കാനാവില്ല എന്ന് വാദത്തിനാണ് മാറ്റം വന്നത്. ചുരുക്കത്തില് കുറ്റകൃത്യം നടന്നു എന്നുപറയുന്ന ഭര്ത്താവിന്റെ പ്രദേശത്തുള്ള പോലീസ് സ്റ്റേഷനിലോ, പീഡനത്തിനുശേഷം സ്ത്രീ അഭയം തേടിയിരിക്കുന്ന പ്രദേശത്തെ പോലീസ് സ്റ്റേഷനിലോ പരാതി നല്കാം. പോലീസ് കേസ് എടുത്തില്ലെങ്കില് നേരിട്ട് മജിസ്ട്രേറ്റ് കോടതി വഴിയും പരാതി നല്കാം.
*കേസെടുത്താല് എന്ത് ചെയ്യണം ?*
ജാമ്യമില്ലാത്ത വകുപ്പ് ആയതിനാല് അറസ്റ്റ് ഉണ്ടായാല് പോലീസ് സ്റ്റേഷനില് നിന്ന് ജാമ്യം ലഭിക്കില്ല. സെഷന്സ്കോടതിയില് നിന്നോ, മേല് കോടതികളില് നിന്നോ മുന്കൂര് ജാമ്യം നേടിയതിനുശേഷം വേണം പോലീസില് ഹാജരാകാന്. മുന്കൂര് ജാമ്യം ഇല്ലെങ്കില് പോലീസ് പ്രതികളെ മജിസ്ട്രേറ്റ് കോടതിയില് ഹാജരാക്കും. കേസിന്റെ സ്വഭാവമനുസരിച്ച് കോടതി റിമാന്ഡ് ചെയ്യുകയോ ജാമ്യത്തില് വിടുകയോ ആകാം. പിന്നീട് കേസ് അന്വേഷണത്തിന് ശേഷം പോലീസ് കോടതിയില് അന്തിമ റിപ്പോര്ട്ട് ഫയല് ചെയ്യുന്ന മുറയ്ക്ക് അത് കോടതി ഫയലില് സ്വീകരിച്ചാല് പ്രതികള്ക്ക് കോടതിയില് നിന്ന്സമന്സ് വരും. പിന്നീട് കേസിന്റെ വിചാരണ ആരംഭിക്കും. വിവാഹ സമയത്ത് നല്കിയ സ്വര്ണം തിരികെ കിട്ടാനും, സ്വന്തമായി ആവശ്യത്തിന് വരുമാനമില്ലാത്ത ഭാര്യയാണെങ്കില് ചെലവിന് കിട്ടാനും മറ്റും അനുബന്ധ കേസുകളും കുടുംബ കോടതികളിലും ഉണ്ടായേക്കാം.
© Sherry J Thomas
|sherryjthomas@gmail.com|
*ഫ്ളാറ്റ് നിർമ്മാണം- ഏകപക്ഷീയമായ കരാർ നിയമവിരുദ്ധമെന്ന് സുപ്രീം കോടതി*
ഫ്ലാറ്റ് നിർമാണ കരാറിൽ ഉപഭോക്താവ് അടയ്ക്കേണ്ട തുക കാലതാമസം വരുത്തിയാൽ 18 ശതമാനം പലിശയാണ് കരാറിൽ. അതേസമയം പറഞ്ഞ സമയത്ത് ഫ്ലാറ്റ് പൂർത്തീകരിച്ച് നൽകിയില്ലെങ്കിൽ നിർമ്മാണ കമ്പനി ഉപഭോക്താവ് നൽകേണ്ട പലിശ 9 ശതമാനം മാത്രം. കരാർലംഘനം ഉണ്ടായാൽ ഇരുകക്ഷികളും പരസ്പരം പാലിക്കേണ്ട നഷ്ടപരിഹാര വ്യവസ്ഥകൾ തികച്ചും ഏകപക്ഷീയം. ഇത്തരം സാഹചര്യത്തിൽ ദേശീയ ഉപഭോക്ത്ര കമ്മീഷൻറെ കണ്ടെത്താൻ ശരിവെച്ച് സുപ്രീംകോടതിയും നിർമ്മാതാവ് നീതിയില്ലാത്ത കച്ചവട തന്ത്രമാണ് പാലിച്ച് പോന്നതെന്ന് കുറ്റപ്പെടുത്തി. ഉപഭോക്ത്ര സംരക്ഷണ നിയമത്തിൻറെ 2(ആർ) വകുപ്പിൽ വിവരിക്കുന്ന നീതിപൂർവം അല്ലാത്ത കച്ചവട തന്ത്രമായി ഇതിനെ കാണണം.
Civil Appeal 12238.2018 & 1677.2019
© Sherry J Thomas 12.5.19
To get legal updates, join Admin only WhatsApp group
https://chat.whatsapp.com/4ABB9he1iCV3bUewIQCbiz
*വിദേശത്ത് ജോലിക്ക് പോകുന്നവരുടെ സംരക്ഷണത്തിന്*
സാങ്കേതിക പരിജ്ഞാനം ഉള്ളവരും ഇല്ലാത്തവരുമായി നിരവധി ഇന്ത്യക്കാർ, പ്രത്യേകിച്ച് കേരളീയർ വിദേശത്ത് ജോലി ചെയ്യുന്നുണ്ട്. 1983 ലെ എമിഗ്രേഷൻ നിയമമാണ് വിദേശത്ത് ജോലി തേടി പോകുന്നവർക്ക് സംരക്ഷണം നൽകുന്നതിനും അവരുടെ സുരക്ഷ ഉറപ്പാക്കുന്നതിനും ഉള്ള നടപടികൾ വിവരിക്കുന്നത്. കാലത്തിനനുസൃതമായി പുതുക്കേണ്ടത്ണ്ടെങ്കിലും നിലവിൽ ആശ്രയിക്കാവുന്നത് നിയമത്തെയാണ്.
*പ്രൊട്ടക്ടർ ജനറൽ ഓഫ് എമിഗ്രൻഡ്സ്*
എമിഗ്രേഷൻ നിയമപ്രകാരം പ്രൊട്ടക്ടർ ജനറൽ ഓഫ് എമിഗ്രൻഡ്സ് (PGE) നാണ്
ഇന്ത്യയ്ക്ക് പുറത്ത് ജോലി ചെയ്യുന്ന ഇന്ത്യൻ കാരെ സംരക്ഷിക്കാനുള്ള പ്രാഥമിക ഉത്തരവാദിത്വം ഉള്ളത്. വിദേശത്തേക്ക് തൊഴിലാളികളെ നിയമിക്കുന്ന റിക്രൂട്ടിംഗ് സ്ഥാപനങ്ങൾക്ക് രജിസ്ട്രേഷൻ സർട്ടിഫിക്കറ്റ് നൽകേണ്ടത് പ്രൊട്ടക്ടർ ജനറലാണ്. ഇതു സംബന്ധിച്ച് നടക്കുന്ന കുറ്റകൃത്യങ്ങൾക്ക് പ്രോസിക്യൂഷൻ അനുമതി നൽകുന്നതിനും, തിരച്ചിലുകൾ നടത്തുന്നതിനും അധികാരമുണ്ട്. കൂടാതെ സിവിൽ കോടതിയുടെതായ അധികാരങ്ങൾ പ്രയോഗിക്കാനുമാകും.
*പ്രൊട്ടക്ടർ ഓഫ് എമിഗ്രൻഡ്സ്*
പ്രൊട്ടക്ടർ ജനറൽ ഓഫ് എമിഗ്രേൻസിൻറെ കീഴിൽ പ്രവർത്തിക്കുന്ന ഉദ്യോഗസ്ഥരാണ് പ്രൊട്ടക്ടർ ഓഫ് എമിഗ്രെൻസ്. എമിഗ്രേഷൻ നിയമപ്രകാരം എമിഗ്രേഷൻ നടപടികൾ പൂർത്തിയാക്കി നൽകേണ്ടത് ഇവരാണ്.
© Sherry J Thomas
|sherryjthomas@gmail.com| 9447200500|
#വോട്ട്_ക്രമനമ്പറും_ബൂത്തും അറിയാൻ പേരു മാത്രം മതി
#voter_helpline
ബൂത്തിൽ വോട്ടു ചെയ്യാൻ എത്തുമ്പോൾ വോട്ടർപട്ടികയിലെ ക്രമനമ്പറും ബൂത്ത് നമ്പറും മറ്റ് വിവരങ്ങളും അടങ്ങിയ സ്ലിപ്പ് കയ്യിലുണ്ടെങ്കിൽ പോളിംഗ് എളുപ്പമാകും. ചുരുങ്ങിയ പക്ഷം അത് കയ്യിലുണ്ടെങ്കിൽ വോട്ടർ ആണ് എന്ന ഒരു ഉറപ്പിൽ പോളിംഗ് സ്റ്റേഷനിൽ ആധികാരികമായി തല ഉയർത്തി നിൽക്കാൻ ശീലിച്ചവരാണ് നമ്മളിൽ പലരും. സ്വന്തം പോളിംഗ് ബൂത്ത്, ക്രമനമ്പർ തിരിച്ചറിയാൻ ഇന്ന് എളുപ്പ മാർഗ്ഗങ്ങൾ ഉണ്ട്. വോട്ടർപട്ടിക മുഴുവനായി പരതി നോക്കേണ്ട. തിരഞ്ഞെടുപ്പ് കമ്മീഷന്റെ വെബ്സൈറ്റിൽ കയറിയും പരതേണ്ട. സ്മാർട്ട് ഫോൺ കയ്യിലുണ്ടെങ്കിൽ ഇക്കാര്യം എളുപ്പമാണ്.
#എങ്ങനെ ഉപയോഗിക്കാം
1. ആൻഡ്രോയിഡ് പ്ലേസ്റ്റോറിൽ നിന്ന് ചൂണ്ടുവിരൽ വോട്ട് ചെയ്യുന്ന ചിത്രമുള്ള വോട്ടർ ഹെൽപ്പ് ലൈൻ എന്ന ആപ്പ് ഡൗൺലോഡ് ചെയ്യുക. തിരഞ്ഞെടുപ്പ് കമ്മീഷന്റെ ഔദ്യോഗിക ആപ്പ് ആണ് ഇത്.
2. ഈ ആപ്പിലൂടെ പേര് വിവരം കൊണ്ടും തിരിച്ചറിയൽ കാർഡ് നമ്പർ കൊണ്ടും നമ്മുടെ ബൂത്ത് ഏതാണെന്നും വോട്ടെടുപ്പ് നടക്കുന്ന സ്ഥലം ഏതാണെന്നു. ക്രമനമ്പർ ഏതാണെന്നും എളുപ്പം തിരിച്ചറിയാനാകും. ഈ ആപ്പിൽ കയറി പേര്, സംസ്ഥാനം, നിയോജകമണ്ഡലം എന്നിവ എൻറർ ചെയ്താൽ തിരഞ്ഞെടുപ്പ് സംബന്ധിച്ച വോട്ടർ പട്ടികയിലെ വിവരങ്ങൾ തെളിഞ്ഞുവരും. ഈ വിവരങ്ങൾ വാട്സാപ്പിലൂടെയോ മറ്റു മാധ്യമങ്ങളിലൂടെയൊ പകർത്തി സൂക്ഷിക്കാനും കോപ്പി ചെയ്യാനും സാധിക്കും. എത്ര പേരുടെ വിവരങ്ങൾ വേണമെങ്കിലും ഇങ്ങനെ ശേഖരിക്കാം.
3. സ്വന്തം ക്രമനമ്പർ വിവരങ്ങൾ കൂടാതെ തിരഞ്ഞെടുപ്പുകളെ സംബന്ധിച്ച പൊതു വിവരങ്ങളും സ്ഥാനാർഥികളെ സംബന്ധിച്ച വിവരങ്ങളും ഈ ആപ്പിൽ ലഭ്യമാണ്.
4.പട്ടികയിൽനിന്ന് തെറ്റായി പുറത്തു പോയവരെ തിരികെ ചേർക്കാനും തെറ്റുകൾ തിരുത്താനും സ്ഥലത്തില്ലാത്ത വരെ മാറ്റാനും, പ്രത്യേക അപേക്ഷകൾ ഈ ആപ്പിലൂടെ നൽകാം.
5. തെരഞ്ഞെടുപ്പ് സംബന്ധിച്ച പരാതികൾ നൽകാനും ഈ ആപ്പ് ഉപയോഗിക്കാം.
താഴെപ്പറയുന്ന ലിങ്കിലൂടെ പ്ലേസ്റ്റോറിൽ നിന്ന് ഈ ആപ്പ് ഫോണിൽ ഡൗൺലോഡ് ചെയ്യാം
https://play.google.com/store/apps/details?id=com.eci.citizen
http://niyamadarsi.com/details/det/IPadiUBLyO/------Breaking-open-of-unused-bank-lockers---article-in-Malayalam.html
*ഒരു വർഷത്തിലധികം ഉപയോഗിക്കാത്ത ലോക്കറുകൾ ബാങ്കുകൾക്ക് പൊളിച്ചുമാറ്റാം*
സമ്പാദ്യം സുരക്ഷിതമാക്കാൻ ബാങ്ക് ലോക്കർ എടുക്കുന്നത് നല്ലതാണ്. ആഭരണങ്ങളും മറ്റു വിലപ്പെട്ട രേഖകളും അവിടെ സുരക്ഷിതമായി ഇരിക്കും. പക്ഷേ ഒരു വർഷത്തിലധികമായി ഉപയോഗിക്കാത്ത ബാങ്ക് ലോക്കറുകൾ ബലംപ്രയോഗിച്ച് പൊളിച്ച് തുറക്കാൻ ബാങ്കുകൾക്ക് അധികാരമുണ്ട്. 2007 ഏപ്രിൽ മാസം പുറത്തിറങ്ങിയ റിസർവ് ബാങ്കിൻറെ മാർഗനിർദേശങ്ങളിൽ അക്കാര്യം വ്യക്തമാണെങ്കിലും അധികം പേരും അത് ശ്രദ്ധിക്കാറില്ല.
*തുറക്കുന്നതിനു മുമ്പ് നോട്ടീസ് നൽകണം*
ഉപയോഗിക്കാത്ത ലോക്കർ ബലംപ്രയോഗിച്ച് തുറക്കുന്നതിനു മുമ്പ് ഉപഭോക്താവിന് എന്തുകൊണ്ട് ഉപയോഗിക്കുന്നില്ല എന്ന കാരണം ചോദിക്കുന്ന നോട്ടീസ് ബാങ്കിൽനിന്ന് നൽകണം. ലോക്കർ കരാർ ഒപ്പിടുന്ന സമയത്ത് തന്നെ ഇത് സംബന്ധിച്ച വിവരങ്ങൾ ഉൾപ്പെടുത്തിയിരിക്കണം എന്നാണ് ചട്ടം. അതോടൊപ്പംതന്നെ ഉപഭോക്താവിന്റെ കെവൈസി വിവരങ്ങളും ലോക്കർ നൽകുന്ന സമയത്ത് തന്നെ ബാങ്കിന് ബോധ്യമായിരിക്കണം. ഇക്കാര്യത്തിന് ഉപഭോക്താക്കളെ ഹൈറിസ്ക് ഉപഭോക്താക്കൾ എന്നും മീഡിയം റിസ്ക് ഉപഭോക്താക്കൾ എന്നും രണ്ടായി തിരിച്ചിട്ടുണ്ട്. ഹൈ റിസ്ക്ഉപഭോക്താക്കൾ ഒരുവർഷമായി ലോക്കർ ഉപയോഗിച്ചില്ലെങ്കിൽ ഇത്തരത്തിൽ നടപടികൾ ആരംഭിക്കാം. മീഡിയം റിസ്ക് ഉപഭോക്താക്കൾ മൂന്നുവർഷം ലോക്കർ ഉപയോഗിച്ചില്ലെങ്കിൽ ആണ് നടപടി. നോമിനി ഉള്ള സാഹചര്യത്തിൽ നോമിനിക്ക് ലോക്കൽ തുറക്കാം. നോമിനി ഇല്ലെങ്കിൽ പിന്തുടർച്ചാവകാശികൾക്കാണ് അതിനുള്ള അധികാരം.
© Sherry J Thomas 30.3.19
www.niyamadarsi.com
#കാത്തിരിപ്പ് #CRZ
1991, 2011 ഒടുവിൽ 2018 ഇങ്ങനെ മൂന്നു തവണ തീര നിയന്ത്രണ വിജ്ഞാപനം പുറത്തിറക്കി. 1991 ലെ വിജ്ഞാപനം പ്രകാരം പുറത്തിറക്കിയ തീരപരിപാലന പ്ലാൻ ഉപയോഗിച്ചാണ് 2011ലും കാര്യങ്ങൾ നടത്തിയിരുന്നത്. ഒടുവിൽ 2011 ലെ തനതായ പ്ലാൻ പുറത്തിറങ്ങിയപ്പോഴേക്കും 2018 നോട്ടിഫിക്കേഷൻ വന്നു. ദ്വീപുകൾക്ക് 20 മീറ്റർ മാത്രമാണ് നിയന്ത്രണ മേഖല എന്ന് കണ്ട് ഒരുപാട് പേർ തങ്ങളുടെ വീടുകൾക്ക് സ്ഥിരം നമ്പർ കിട്ടുമെന്ന് പ്രത്യാശിച്ചു. പക്ഷേ അവർക്ക് ഇനിയും കാത്തിരിക്കണം. 2018 പ്രകാരമുള്ള പുതിയ പ്ലാൻ (CZMP)തന്നെ വരണം എന്നാണ് പറയുന്നത് !
----തെരഞ്ഞെടുപ്പുകാലത്ത് ആപത്ത് ഉണ്ടാകാതിരിക്കാൻ !----
ജനപ്രാതിനിധ്യ നിയമത്തിലെ വകുപ്പ് 123 മനസ്സിരുത്തി മനസ്സിലാക്കിയാൽ തിരഞ്ഞെടുപ്പു പ്രചരണകാലത്ത് ആപത്ത് ഒഴിവാക്കാം. വോട്ട് ചെയ്യുന്നതിനു ചെയ്യാതിരിക്കുന്നതിനും പാരിതോഷികം നൽകുന്നത്, ഭീഷണി സമ്മർദ്ദം എന്നിവ ഉപയോഗിക്കുന്നത്
കുറ്റകരമാണെന്ന് പൊതുവെ എല്ലാവർക്കും അറിയാം.
സ്ഥാനാർത്ഥിയെ സ്ഥാനാർത്ഥിയുടെ ഏജൻറോ മറ്റാരെങ്കിലുമോ സ്ഥാനാർത്ഥിയുടെ സമ്മതത്തോടെ മതത്തിൻറെ, ജാതിയുടെ, സമുദായത്തിന്റെ, ഭാഷയുടെ അടിസ്ഥാനത്തിൽ വോട്ടു ചെയ്യാൻ പറയുന്നതും ചെയ്യരുത് എന്ന് പറയുന്നതും കുറ്റകരമാണ്.
മതത്തിൻറെ, ജാതിയുടെ, സമുദായത്തിന്റെ, ഭാഷയുടെ അടിസ്ഥാനത്തിൽ ശത്രുതയും വെറുപ്പും ഉണ്ടാക്കുന്നതും കുറ്റകരമാണ്.
തിരഞ്ഞെടുപ്പിൽ മത്സരിക്കുന്ന ഏതെങ്കിലും സ്ഥാനാർത്ഥിയെ പറ്റി തെറ്റായതോ തെറ്റെന്ന് വിശ്വസിക്കുന്നതോ, ശരിയാണ് എന്ന് വിശ്വസിക്കാത്തതോ ആയ പ്രസിദ്ധീകരണവും കുറ്റകരമാണ്.
രാഷ്ട്രീയപാർട്ടികളുടെ തിരഞ്ഞെടുപ്പ് പൊതുയോഗങ്ങൾ, തെരഞ്ഞെടുപ്പുമായി ബന്ധപ്പെട്ട് പൊതുയോഗങ്ങൾ എന്നിവ തടസ്സപ്പെടുത്തുന്നതും അതിനു പ്രേരിപ്പിക്കുന്നതും കുറ്റകരമാണ്. പൊതുയോഗത്തിന് അധ്യക്ഷൻ പോലീസ് ഉദ്യോഗസ്ഥനോട് അഭ്യർത്ഥിക്കുന്ന മുറയ്ക്ക്സംശയകരമായ രീതിയിൽ പൊതുയോഗ സ്ഥലത്ത് സന്നിഹിതനായിരിക്കുന്ന വ്യക്തിയുടെ പേരും വിലാസവും പറയുന്നതിന് ആവശ്യപ്പെടേണ്ടത് അത് പറയാൻ വിസമ്മതിക്കുകയോ ശരിയായ വിവരങ്ങൾ പറയാതിരിക്കുകയോ ചെയ്യുന്ന വ്യക്തിയെ വാറണ്ടില്ലാതെ തന്നെ അറസ്റ്റ് ചെയ്ത് നീക്കാവുന്നതാണ്. (വകുപ്പ് 127)
© ഷെറി
www.niyamadarsi.com
*വിറ്റുപോയ വാഹനം അപകടം ഉണ്ടാക്കിയാൽ പഴയ ഉടമസ്ഥന് ബാധ്യത വരുമോ ?*
കേവലം വാഹനം കൈമാറുന്നതും ചില പത്രങ്ങളിൽ ഒപ്പിട്ട് കൊടുക്കുന്നതും മാത്രമല്ല വാഹനവില്പന നടപടികൾ. മോട്ടോർ വാഹന നിയമത്തിൽ പറയുന്നത് പോലെ കൃത്യമായി വാഹനം വാങ്ങിയ ആളും വിറ്റ് ആളും ചെയ്യേണ്ടതായ കാര്യം ചെയ്തിരിക്കണം. വാഹന വിൽപ്പനയ്ക്ക് ശേഷം 30 ദിവസത്തിനുള്ളിൽ ബന്ധപ്പെട്ട രജിസ്റ്ററിംഗ് അതോറിറ്റി മുമ്പാകെ രേഖകളിൽ മാറ്റം വരുത്തിയിരിക്കണം. 14 ദിവസത്തിനുള്ളിൽ വാഹനം വാങ്ങിയ ആൾ വിവരം അധികാരികളെ അറിയിച്ചിരിക്കണം എന്നാണ് നിയമം.
ഇത്തരമൊരു സംഭവത്തിൽ വാഹന വിൽപ്പന നടന്ന് 30 ദിവസത്തിനുള്ളിൽ നടന്ന അപകടം സംബന്ധിച്ച കേസിൽ പോലും രേഖകൾ പ്രകാരമുള്ള ഉടമസ്ഥന് ബാധ്യതയിൽ നിന്ന് ഒഴിഞ്ഞു നിൽക്കാനാകില്ല എന്ന് സുപ്രീം കോടതി വീണ്ടും പറഞ്ഞു. (Civil Appeal 11369.18)
©Sherry 17.12.18 @9447200500
www.niyamadarsi.com
First legal blog in Malayalam
