Bound Down

Bound Down 

ശ്രീനഗർ പോലീസ് 12 പേരെ Crpc 107 വകുപ്പ് പ്രകാരം ബൗണ്ട് ഡൗൺ നടപടികൾക്ക് വിധേയമാക്കി എന്ന വാർത്ത പലർക്കും കൗതുകമായി. ക്രിമിനൽ നടപടി ക്രമത്തിലും ഇന്ത്യൻ ശിക്ഷാനിയമത്തിലും പരിശോധിച്ചാൽ ബൗണ്ട് ഡൗൺ എന്ന വാക്ക് കാണാൻ ആവില്ല. 

ദേശീയ ഗാനം ആലപിച്ചപ്പോൾ എഴുന്നേറ്റു നിൽക്കാത്തതിന് ജമ്മു കാശ്മീരിലെ ശ്രീനഗർ പോലീസ് കൈകൊണ്ട നടപടികളുടെ ഭാഗമായാണ് അവർ ബൗണ്ട് ഡൗണിന്  വിധേയമാകേണ്ടി വന്നത്. ഏതെങ്കിലും ഒരു പ്രത്യേക തീയതി തുടർനടപടികൾക്കായി പ്രതികൾ ബന്ധപ്പെട്ട അധികാരികൾ മുമ്പാകെ ഹാജരാകണം എന്നതാണ് ഇതുകൊണ്ട് ഉദ്ദേശിക്കുന്നത്.

ദേശീയഗാനം പാടിയപ്പോൾ എഴുന്നേറ്റു നിൽക്കാതിരുന്നത് കൊണ്ട് അറസ്റ്റ് ചെയ്തതായി അധികം വാർത്തകൾ കാണില്ല. പല വിദേശരാജ്യങ്ങളിലും ഇത്തരത്തിൽ പ്രതിഷേധ രീതി തന്നെയുണ്ട്. ബിജോയ് ഇമ്മാനുവൽ കേസിൽ സുപ്രീംകോടതി പറഞ്ഞത് ദേശീയ ഗാനം ആലപിക്കാതിരിക്കുന്നത് കൊണ്ട് കുറ്റമാവില്ല എന്നാണ്. സിആർപിസി വകുപ്പ് 107 യഥാർത്ഥത്തിൽ ക്രമസമാധാന പാലനത്തിന്റെ ഭാഗമായുള്ള നല്ല നടപ്പ് - കരുതൽ തടങ്കൽ എന്നിവയൊക്കെയാണ്.

#bounddown

#nationalanthem